Ангор туманида 9 май – Хотира ва қадрлаш куни байрами муносабати билан тадбирлар, учрашувлар ўтказилмоқда. Бугун, туман  ҳокимлиги, ҳуқуқ-тартибот идоралари, давлат ва жамоат ташкилотлари вакиллари, меҳнат фахрийлари, ўқувчи-ёшлар ва кенг жамоатчилик жам бўлиб, Мотамсаро она монументи пойи гулларга қўйишди.

Тадбир аввалида туман ҳокими Шоҳжаҳон Абдуллаев барчани байрам билан табриклади. Шунингдек, бугунги тинч ва осуда кунлар учун жон фидо қилган юртдошларимиз фахримиз эканлигини таъкидлади.

 Байрам тадбирида туман маданият бўлими ходимлари томонидан тайёрланган концерт дастури намойиш этилди.